ക്രിസ്തുവിന്റെ ഗിരിപ്രഭാഷണം പോലെ ശ്രേഷ്ടമായ അദ്ധ്യാപനങ്ങള്‍ ഇതില്‍ അടങ്ങിയിരിക്കുന്നു. ജീവിതത്തിന്റെ നാനാതുറകളും വിശിഷ്യ സ്നേഹത്തിന്റെ മാഹാത്മ്യതയും, പാപമോചനത്തിന്റെ പ്രാധാന്യവും ഇതില്‍ അടങ്ങിയിരിക്കുന്നു. ക്രിസ്തുവിന്റെ ചില അത്ഭുതപ്രവര്‍ത്തികളും താന്‍ തന്റെ 12 ശിഷ്യന്മാരെ തിരഞ്ഞെടുത്തവിധവും ഇതില്‍ പ്രതിപാതിക്കുന്നു.

ചില ഉപമകളും ക്രിസ്തുവിന്റെ അദ്ധ്യാപനങ്ങളും ഇതില്‍ അടങ്ങയിരിക്കുന്നു. മനുഷ്യ ജീവിതത്തില്‍ ഉപമകള്‍ക്കുള്ള സ്വാധീനം ഇതില്‍ വിവരിക്കുന്നു. ജാതികളോടു സുവിശേഷം അറിയിക്കുവാനായി തന്റെ 12 ശിഷ്യന്മാരെ അയച്ചതും ഇതില്‍ പ്രതിപാതിക്കുന്നു.

യേശുക്രിസ്തുവിന്റെ വ്യക്തിത്വത്തെയും വംശാവലിയെയും കുറിച്ചു വിശദമായി ഈ ഭാഗത്ത് പ്രതിപാതിക്കുന്നു. യേശുക്രിസ്തുവിന്റെ നിസ്തുല്ല്യമായ ജനനത്തെകുറിച്ചുള്ള സദ്‍വാര്‍ത്തയുടെ വിളമ്പരവും തന്റെ ആഗമനോദ്ധേശ്യവും വിവരിക്കുന്നു. വിശേഷാല്‍ മാനവരാശിയെ പാപത്തില്‍ നിന്നു മോചിപ്പിക്കുവാനായിവന്നതിന്റെ വാര്‍ത്ത. കൂടാതെ തന്റെ പരസ്യ സുശ്രൂഷയുടെ തുടക്കം വരെയുള്ള തന്റെ ജീവിതവും, കുട്ടിക്കാലവും, വളര്‍ച്ചയും, ജ്ഞാനത്തിലും ബുദ്ധിയിലും വളര്‍ച്ചപ്രാപിച്ച ഘട്ടങ്ങളെല്ലാം ഇതില്‍ വിവരിക്കുന്നു.

ക്രിസ്തുവിന്റെ അത്ഭുതകരമായ ജനനം, ക്രിസ്തുവിന്റെ അദ്ധ്യാപനങ്ങള്‍, ക്രിസ്തുവിന്റെ അധികാരം, അവന്റെ കഷ്ടാനുഭവങ്ങള്‍, മരണത്തെ അതിജീവിച്ച ഉയിര്‍ത്തെഴുന്നേല്പ്, രണ്ടാം വരവും ക്രിസ്തുവിന്റെ സ്ഥാനപ്പേരും അവന്റെ മാഹാത്മ്യവും ഗ്രന്ഥകര്‍ത്താവു ഈ ചെറുഗ്രന്ഥത്തില്‍ വ്യക്തമാക്കുന്നു.